花了一千三百大元，拼了命地一次過換掉cpu和底板，終於給電腦還魂了。
原本應該只需要換底板便足夠，沒有想過連cpu也要換。可是，我猶記得之前那塊intel duo雖有2.66G，但每晚都幾乎「熱到爆炸」，耗電不單只，由於火牛唔夠w數而搞到cpu風扇「嗚嗚」咁聲。反正，如果唔換cpu，要解決耗電和噪音問題，都起碼用幾舊去換火牛同cpu風扇...................不如索性就轉用amd, 又平, 又係dual core, 仲有低電壓, 盛惠六舊。雖然得2G, 但對於呢個唔用電腦打機的人黎講，都夠了。
到而家呢一刻，我仍未重新修復window, 而且仲要整返master同slave hdd先有得用返部野....................不過，經過連日以來抗戰似的緊張，總算鬆了一大口氣....................
今次的教訓係：
一、電腦零件的野，下次都係唔好自己亂黎
二、錢，幫我解決左電腦問題，但令到我有財政問題
教訓以外：
一、電腦野跌價，真係令人語塞。前一個星期用270元買了勁減左的kingston 1G RAM, 一個星期後的今日，佢再減到250元.....我做咩要俾多20蚊？？
